Туркиянингн Истанбул шаҳрида пара таэквондо бўйича навбатдаги жаҳон чемпионати ўз ниҳоясига етди.

Кеча, 12 декабрь куни жаҳон чемпионатининг сўнгги баҳслари +65 кг вазн тоифасида аёллар ўртасида ўтказилди. Унда Токио-2020 паралимпия ўйинлари ғолиби Гулжаной Наимова беллашувларда барча рақибларини мағлуб этиб, олтин медални қўлга киритди.

Дунёнинг 41 та мамлакатидан 300 га яқин спортчи иштирок этган ушбу нуфузли мусобақада 7 нафар спортчи билан қатнашган вакилларимиз 1 та олтин ва 2 та бронза медалларига сазовор бўлган ҳолда умумжамоа ҳисобида бешинчи ўринни эгаллади.

Тўлқин Рўзиев, 
ЎзА