Ўзбекистон Миллий Олимпия қўмитасида Хорватиянинг Загреб шаҳрида спорт курашлари бўйича катталар ўртасида ўтган жаҳон чемпионатида 1 та олтин, 1 та кумуш ва 3 та бронза медалларига эга чиққан маҳоратли спортчиларимизга тегишли мукофотлар тақдим этилди.

Тадбир давомида 24 йиллик танаффусдан кейин жаҳон чемпионатида олтин медални қўлга киритган юнон-рум кураши бўйича терма жамоа аъзоси Айтжан Халмаханов BYD автомобили ҳамда 15 минг АҚШ доллари билан тақдирланди.

Чемпионатда дунёнинг энг кучлилари билан кечган муросасиз беллашувларда бронза медалига эга чиққан Абдулло Алиев, Умиджон Жалолов ҳамда Ғуломжон Абдуллаевга 3 минг 750 АҚШ доллари миқдоридаги пул мукофотлари топширилди.

Т Рўзиев, ЎзА