Жаҳон чемпионатида қатнашаётган энг ёш ва ёши улуғ футболчилар эълон қилинди
Халқаро футбол ассоциациялари федерацияси (ФИФА) Қатарда ўтадиган жаҳон чемпионатида иштирок этадиган терма жамоалар таркибини тасдиқлади.
Маълумотга кўра, мундиалда энг ёши улуғ ўйинчи Мексика терма жамоасининг 40 ёшли дарвозабони Алфредо Талавера бўлади. 39 ёшли футболчилар — канадалик Атиба Хатчинсон, Португалия вакили Пепе, Бразилиядан Дани Алвес, япониялик Кавашима ҳам мазкур рўйхат бошида қайд этилган.
Жаҳон чемпионатининг энг ёш ўйинчиси Германия жамоаси аъзоси, Юсуф Мукоко. У чемпионат старт оладиган 20 ноябрь куни 18 га тўлади.
Бошланишига 4 кун қолган мундиалнинг энг ёш футболчилари рейтинги кейинги ўринларини Австралия терма жамоасининг 2004 йил сентябрда таваллуд топган ҳужумчиси Гаранг Куол, Испания ярим ҳимоячиси Гави (2004 йил 6 август) банд қилган.
Т.Рўзиев, ЎзА