Самарқандда спортнинг триатлон тури бўйича ҳарбийлар ўртасида ўтказилаётган 25-жаҳон чемпионати яккалик баҳслари ғолиблари аниқланди.

Эркаклар мусобақасида “elite” тоифасида франциялик триатлончилар Дориан Коннинх ва Натҳан Лессман биринчи ва иккинчи ўринларни эгаллаган бўлса, учинчи ўрин ўзбекистонлик спортчи Жереме Куиндосга насиб этди.  

Катталар ўртасида “senior” баҳсларида россиялик Кирилл Голдовиски  маррага биринчи бўлиб етиб келди. Иккинчи ўринни франциялик Боулч Бертранд, учинчи ўринни португалиялик Невес Марсио эгаллади.

Хотин-қизлар беллашувларида ҳам “elite” тоифасида франциялик ҳарбий триатлончи Матилда Гаутиерга тенг келадигани топилмади. Словениялик Тжаша Вртачич иккинчи, яна бир франциялик спортчи Селия Мерле учинчи бўлди.

Катталар ўртасида “senior” йўналишида россиялик Анастасия Абросимова финиш чизиғини биринчи бўлиб босиб ўтди. Кейинги ўринлар канадалик Сара Гравес ва испаниялик Лорето Пастор Сопеланага насиб этди.

[gallery-24824] 

Мусобақада иштирок этган триатлончи қизларимиздан Алина Ҳакимова кучли бешликдан жой олди.  

Чемпионатнинг жамоавий баҳслари эртага ўтказилади.

Ғ.Ҳасанов, А.Исроилов (сурат), ЎзА мухбирлари