Angliyaning Liverpul shahrida boks bo‘yicha kattalar o‘rtasida o‘tayotgan jahon chempionatida O‘zbekiston terma jamoasining 9 nafar vakili yarim finalga yo‘l olib, kamida bronza medallarini hal etdi.

Dunyo birinchiligida bugun, 12 sentyabr kuni chorak va yarim final uchrashuvlari o‘tkaziladi. Quvonarlisi, kun davomida 3 nafar charm qo‘lqop ustamiz chorak finalda jang qilsa, 5 nafar bokschimiz yarim final bosqichida ishtirok etadi.  

Quyida bugun bahslashadigan sportchilarimiz va ularning raqiblari bilan tanishasiz:

Chorak finallar:

-48 kg: Sabina Boboqulova - Jovanna Marchese (Italiya)  

-50 kg: Shodiyorjon Meliqo‘ziyev - Soushi Makino (Yaponiya)  

-85 kg: Akmaljon Isroilov - Rikardo Fresneda (Ispaniya)

Yarim finallar:

-65 kg: Navbahor Hamidova - Chen Niyen-Chin (Xitoy Taypeyi)  

-60 kg: Abdumalik Xalakov - Shunsuke Kitamoto (Yaponiya)  

-75 kg: Fazliddin Erkinboyev - Saidjamshid Jafarov (Ozarbayjon)

-90 kg: To‘rabek Habibullayev - Emmanuyel Reyes Pla (Ispaniya)  

+90 kg: Jahongir Zokirov - Danabike Baykuzi (Xitoy)  

Javohir Toshxo‘jayev,

O‘zA