Bugun O‘zbekiston Yozuvchilar uyushmasining katta zalida filologiya fanlari doktori, professor, O‘zbekiston Respublikasi fan arbobi marhum Begali Qosimov tavalludining 80 yilligiga bag‘ishlangan xotira kechasi hamda muallifning uch jilddan iborat “Tanlangan asarlar” to‘plamlarining taqdimoti o‘tkazildi.

Tadbirda so‘zga chiqqanlar olimning ilmiy va adabiy merosi, uning insoniy fazilatlari, ustozlik jihatlari hamda yangi nashrning mazmun-mohiyati haqida so‘z yuritdilar.

Ma’lumot o‘rnida aytish o‘rinliki, Begali Qosimov umri davomida o‘ttizga yaqin kitob va uch yuzdan ortiq ilmiy maqolalar e’lon qilgan. Ilmiy tadqiqotlari asosan o‘zbek mumtoz adabiyoti va adabiy aloqalari, o‘zbek adabiyotini o‘qitish metodikasi masalalari, matnshunoslik, jadidchilik hamda jadid adabiyotini o‘rganishga bag‘ishlangan.

<iframe width="1280" height="720" src="https://www.youtube.com/embed/XNgaX1Zw01I" title="Jadidchilik kuychisining tavalludi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

O‘tkir Alimov, Doniyor Yoqubov (video), O‘zA