Әйелдер теннисі қауымдастығы (WTA) 2025 жылға арналған соңғы рейтингін жариялады. Оған сәйкес, рейтингтің үздік 50 теннисшісі арасында ешқандай өзгеріс болған жоқ.

Көш басында беларусьтік Арина Соболенко 10870 ұпаймен тұр. Польша өкілі Ига Швёнтек 8395 ұпаймен екінші орында болса, америкалық Коко Гофф 6763 ұпаймен үздік үштікті түйіндеп отыр.

Жаңартылған рейтингте спорттық азаматтығы бойынша Өзбекстан ұлттық құрамасы сапына қосылған Камилла Рахимова, Полина Кудерметова және Мария Тимофеева өткен аптадағы орындарын сақтап қалды. Атап айтқанда, Камилла – 97, Полина – 104, Мария – 143-орында тұр.

Еске салайық, биыл өтетін Australian Open–2026 турнирінде Өзбекстан ұлттық құрамасының мүшесі Камилла Рахимова жекелей сындағы негізгі турда өнер көрсетеді. Сонымен қатар ол ресейлік Анна Блинковамен жұптық сайыстарға да қатысады.