Жаңа Зеландия мен Өзбекстан құрамалары арасындағы жолдастық кездесу коронавирусқа байланысты өтпейтін болды.

ӨФА-ның мәліметінше, Жаңа Зеландия құрамасы тапсырған ПТР тест нәтижесіне сәйкес, 12 ойыншыға коронавирус диагнозы қойылған. Жаңа Зеландия өкілдері бұл жағдайда ойнай алмайтындарын және жаттықтырушының құрамды жасақтау үшін ойыншылары жеткіліксіз екенін мәлімдегеніне орай командалар арасындағы жолдастық кездесу өтпейді.

Бұған дейін Өзбекстан құрамасы 27 қаңтарда Оңтүстік Судан құрамасын достастық кездесуде 3:0 есебімен жеңген болатын.