Өзбекстанда 2024/2025 оқу жылынан бастап халықаралық стандарттарға сай жаңа халықаралық мектеп өз жұмысын бастайды.

Бұл жөнінде Мектепке дейінгі және мектеп білім беру министрлігінің баспасөз қызметі хабарлады.

Алғашқы қабылдау 8-сыныпты аяқтаған ең дарынды 60 оқушы арасынан іріктеліп алынады. Сабақ бағдарламасы халықаралық талаптарға сай әзірленіп, негізгі пәндер, бейіндік пәндер, көшбасшылық пен әлеуметтік белсенділікке баулитын сабақтар қамтылады.

Жобаның басты мақсаты — жастарды АҚШ-тың үздік университеттері саналатын «Печак лигасы» (The Ivy League) жоғары оқу орындарына дайындау. Бұл үшін арнайы 6 кезеңнен тұратын Ұлттық бағдарлама қабылданады.

Алғашқы кезеңде 3 мың оқушы таңдалып, оларға Президенттік және мамандандырылған мектептерден 208 кеңесші мұғалім бекітіледі. Таңдалған оқушылар Ренессанс лагерінде 3 апталық интенсивті оқу курстарынан өтеді. Жоғары нәтиже көрсеткен 40 оқушы Ivy League университеттеріне тәжірибе алмасу үшін жіберіледі.

Сонымен қатар, шетелде білім алып келген жастарды өз саласы бойынша жұмысқа орналастыруды жеңілдету үшін «Мемлекеттің алтын қоры» қауымдастығын құру көзделген. Бұл платформа талантты жастарды біріктіріп, жеңілдіктер, гранттар, стартап бағдарламалары мен басқа да мүмкіндіктерге жол ашады.