Израиль парламенті (Кнессет) елдегі төтенше жағдай режимін тағы бір жылға — 2025 жылдың 25 желтоқсанына дейін ұзарту туралы шешім қабылдады.

Timesofisrael басылымының хабарлауынша, бұл ұсынысты 120 депутаттың 29-ы қолдаған, тағы жеті депутат қарсы дауыс беріп, қалғандары қатыспай немесе бейтарап қалған.

Осылайша, Кнессет сыртқы саясат және қауіпсіздік саясаты мен Әділет комитетінің ұсыныстарына сәйкес әрекет етті. Төтенше жағдай режимі Израиль үкіметіне төтенше жарлықтар шығаруға, әсіресе ұлттық заңнамаға үстем болатын ережелер енгізуге мүмкіндік береді.

Кнессет Израильдегі төтенше жағдай режимінің мерзімін соңғы рет осы жылдың мамыр айында ұзартқан болатын, бірақ сол кезде оның мерзімі алты айға созылған еді.