Тель-Авивте Израиль премьер-министрі Беньямин Нетаньяхуға қарсы жалғасып жатқан наразылық шеруінің қатысушылары Газада ұсталған израильдік тұтқындарды айырбастау туралы келісімге қол жеткізуді талап етуде.

Наразылар елдің Қорғаныс министрлігі ғимараты алдына жиналып, министр Йоав Галанттың қызметінен босатылуын талап етуде. Олар бұл әрекетті «келісімді бұзу үшін жасалған келесі әрекет» деп бағалауда. 

Көптеген адам Нетаньяху мен оның үкімет мүшелеріне қарсы ұрандар көтеріп, наразылықтарын білдіруде. 

Израиль мен халықаралық қауымдастық премьер-министрді ХАМАС-пен тұтқындар алмасу туралы шешімді саяси себептермен қабылдаудан бас тартқаны үшін сынға алған.