Израиль үкіметі босқындарға көмектесу үшін Украинаның батыс шекарасына жақын жерде далалық аурухана құру туралы шешім қабылдады.

Бұл туралы 14 наурызда Израиль мемлекетінің ресми Twitter парақшасында жарияланды. Израильдің «Кохав Мейр» гуманитарлық миссиясы босқындарға медициналық көмек көрсетеді. Жұмыстың болжамды уақыты - шамамен бір ай.

Аурухананы құру және пайдалану құны 21 миллион шекелді (6,4 миллион доллар) құрайды.

Атаулы аурухана аумағында жедел жәрдем бөлмесі, перзентхана, ерлер, әйелдер және балаларға арналған емдеу бөлімдері болады. Сонымен қатар, госпитальда Шеба ауруханасынан әкелінген рентген аппараттары да болады.