Штаб-пәтері Қатарда орналасқан араб тіліндегі Al Jazeera телеарнасы Израильде жабылады.

Бұл туралы жексенбі, 5 мамырда X әлеуметтік желісінде Израиль премьер-министрі Биньямин Нетаньяху мәлімдеді.

Премьер-министр Израиль үкіметі телеарнаны жабуға бірауыздан дауыс бергенін түсіндірді. Израиль Al Jazeera телеарнасын елдің араб халқын мемлекет пен оның армиясына қарсы, әсіресе Хамас қозғалысының 7 қазандағы шабуылынан кейін зорлық-зомбылыққа итермеледі деп айыптаған.