Палестиналық ХАМАС қозғалысы күйреу алдында тұр, деп мәлімдеді Израиль қорғаныс министрі Йоав Галлант.

Оның айтуынша, Израиль қорғаныс күштері (ЦАХАЛ) Газа секторының солтүстігіндегі операциясының бетбұрыс кезеңіне жақындап қалған. Израиль әскерилері анклавтың солтүстігіндегі қозғалыстың соңғы бекіністерін бақылауға алуда.

«Біз Хамастың Джабалия мен Шуджаядағы соңғы бекіністерін қиратып жатырмыз... Олар күйреу алдында тұр», - деген ол.

Галлант ХАМАС қолбасшыларын берілуге ​​және жанын аман алып қалуға шақырды. 

«Қолбасшыларды берілуге ​​және өз өмірлерін сақтауға шақырамын. ХАМАС жетекшісі Яхья Синвар мен әрбір қолбасшының тағдыры– берілу немесе өлу. Үшінші нұсқа жоқ», - деген ол.

Бұған дейін Израиль премьер-министрі Биньямин Нетаньяху қақтығыс кезінде ХАМАС позициясын тез жоғалтып жатқанын айтқан.