Израиль елге кірудегі коронавирусқа қарсы шектеулердің дерлік барлығын алып тастады
Израиль билігі елге ұшып келмес бұрын коронавирусқа тестілеуден өту талабының күшін жойды.
Елдің денсаулық сақтау министрлігінің хабарлауынша, жаңа ережелер 21 мамырдан бастап күшіне енеді. Ондағы талаптар израильдіктерге де, туристерге де бірдей қарастырылған.
Бұған дейін елде сәуір айында үй ішінде және сыртта бетперде тағу талабы алынып тасталды. Дегенмен халықаралық рейс кезінде бетперде тағу талабы сақталып қалған.