Израиль қорғаныс күштері жұма күні түнде палестиналық Хамас тобының 250-ден астам әскери нысанасына жойғыш ұшақтарымен шабуыл жасағанын хабарлады.

Бұл туралы армияның ресми Telegram-каналындағы хабарламасында айтылған.

Соққы жасалған нысандар қатарында туннельдер, операциялық басқару орталықтары және Хамас ұшыру алаңдары бар.

Сонымен қатар, Израиль армиясы Газа секторында орналасқан Хан Юнис қаласының батыс бөлігінде Хамас батальонының командирінің жойылғанын хабарлады. Қаза тапқан қолбасшы 7 қазанда Израильге жасалған шабуылды жоспарлауға жауапты адамдардың бірі болғаны айтылады.