Туркия соҳил қўриқчилари Греция сувлик ҳудудидан мажбуран чиқариб юборилган ва Туркия соҳилларига қараб келаётган 65 нафар ноқонуний мигрантни қутқариб олди, деб ёзмоқда "Анадолу" агентлиги.

Туркия соҳилни қўриқлаш бошқармасидан маълум қилинишича,  мигрантлар Измир вилоятининг Дикили ва Чешма туманларида қутқариб олинган.

Хабарда айтилишича, мигрантлар Греция соҳилига ҳаво тўлдирилган қайиқларда етиб олмоқчи бўлган.

Бундан ташқари, Урла тумани соҳилида чегарани ноқонуний кесиб ўтмоқчи бўлган 192 нафар мигрант ва ноқонуний мигрантларни яширин йўл билан ташишда гумон қилинган беш киши қўлга олинган.  

Хабарда айтилишича, мигрантлар гуруҳи Туркиядан Италияга Греция орқали етиб олмоқчи бўлган.