Бугунги кунда маҳалладаги ижтимоий ходимлар томонидан маҳалласида ногиронлиги бўлган ҳамда камбағаллик реестрига киритилган оилаларнинг болаларини таълим олиши, касб-ҳунарга ўрганиши ва уларни ижтимоийлашувини таъминлаш бўйича “кичик лойиҳалар” амалга оширилмоқда.

Хусусан, Қашқадарёда ўтган 9 ой давомида 758 та “кичик лойиҳа” амалга оширилиши натижасида 706 нафар шахс касб-ҳунарга ўқитилмоқда, 1 минг 745 нафарининг бандлиги таъминланган ва 1 минг 219 нафари фан ҳамда спорт тўгаракларига жалб қилинган.

Жумладан, Яккабоғ туманининг “Янгиобод” маҳалласида 3 минг 800 нафар аҳоли яшайди. Наргиза Холмирзаева айнан шу маҳаллада истиқомат қилади.

Илгари уйда қандолатчилик билан шуғулланган фуқарога маҳалладаги ижтимоий ходим ва фаоллар томонидан бўш турган бино таклиф этилди. Шу тариқа мазкур “кичик лойиҳа” натижасида фуқаронинг фаолияти кенгайди. Ҳозирда 5 нафар ишсиз, камбағал оила вакиллари иш билан таъминланди.

Ўлмас Баротов, ЎзА мухбири