ФОТОРЕПОРТАЖ

Аввал хабар берганимиздек, “ITF W15 Tashkent - 2025” халқаро аёллар теннис турнирида жуфтликлар бўйича финал баҳси бўлиб ўтди.

Кеча марказий кортда яккалик баҳсларининг ярим финал учрашувлари ҳамда жуфтлик баҳсларининг финали бўлди. Спортчилар финалга чиқиш ва турнирнинг бош совринига эга бўлиш учун бор маҳоратини ишга солишди.

Яккалик баҳсларида  Беларусь вакили Даря Хомутянская ва Даря Эгорова  бугун “ITF W15 Tashkent-2025”  чемпиони унвони учун ҳал қилувчи баҳсда куч синашади.

Жуфтлик баҳсларида ғалаба беларуслик дуэт — Даря Хомутянская ва Ксения Ершга насиб этди. Улар финалда Асилжан Аристанбекова ва Ингкар Дуссембай дуэтини 6–3, 2–6, [10–8] ҳисобида мағлуб этди.

[gallery-25927]

“ITF W15 Tashkent-2025” турнири  дунёнинг турли давлатларидан профессионал теннисчиларни бирлаштирди. Мусобақа Ўзбекистонда аёллар теннисини ривожлантириш бўйича муҳим лойиҳалардан бири бўлиб, ёш спортчиларга халқаро тажриба ва ITF рейтинг очколарини қўлга киритиш имконини бермоқда.

Муҳаммад АМИН (сурат), ЎзА