2025 жылдың 4-6 наурызы аралығында Туризм комитеті төрағасының бірінші орынбасары Жамшид Абдусаломов бастаған өзбекстандық делегация әлемдегі ең ірі туристік көрме – «ITB Berlin» (Internationale Tourismus-Börse Berlin) шарасында Өзбекстанның туризм әлеуетін таныстырды.

Өзбекстанның ұлттық стендінде 25-тен астам жергілікті туристік ұйым өздерінің қызметтері мен өнімдерін ұсынды. Сонымен қатар, көрме аясында туризмді шетелде насихаттау және елге келетін туристер ағынын арттыру мақсатында 200-ден астам «B2B» және «B2G» форматындағы кездесулер өтті.

Келіссөздер барысында елдер арасында туризм саласындағы ынтымақтастықты дамыту,  жаңа туристік маршруттарды енгізу, шекаралық бағыттарды құру, Тұрақты туризм, экотуризм және экстремалды туризмді дамыту мәселелері талқыланды.

Сонымен қатар, Германия және басқа да Еуропа елдерінен туристер тарту бойынша нақты келісімдерге қол жеткізілді.

Көрме аясында 10-нан астам халықаралық БАҚ өкілдерімен кездесулер ұйымдастырылып, Өзбекстанның тарихи қалалары, сәулет ескерткіштері, негізгі туристік бағыттары мен туризмді дамыту шаралары туралы ақпарат берілді.

Айта кетейік, «ITB Berlin» көрмесі – 1966 жылдан бері өткізіліп келе жатқан әлемдегі ең ірі туристік жәрмеңке. Оған қонақ үйлер, туристік кеңестер, туроператорлар, жүйе провайдерлері, әуе компаниялары мен көлік жалға беру қызметтері қатысады.