Италияның бес аймағында құрғақшылыққа байланысты төтенше жағдай жарияланды.

Бұл туралы дүйсенбі, 4 шілдеде Италия үкіметінің сайтында жарияланған Министрлер кеңесінің мәлімдемесінде айтылды.

Хабарда айтылуынша, шешімн президент Марио Драгидің ұсынысымен По алқабында және Шығыс Альпі аймағында орналасқан провинциялардағы су ресурстарының болмауына байланысты қабылданған.

Төтенше жағдай Пьемонт, Венето, Эмилия Романья, Фриули-Венеция-Джулия және Ломбардия аймақтарына қатысты. Ол 2022 жылдың 31 желтоқсанына дейін жалғасатын болады.

«Министрлер кеңесі президент Марио Драгидің ұсынысы бойынша облыстар мен автономиялық провинциялар аумақтарында су тапшылығы жағдайына байланысты 2022 жылдың 31 желтоқсанына дейін төтенше жағдай жариялауды мақұлдады», - делінген хабарда.

Елдегі қазіргі құрғақшылыққа байланысты Италия үкіметі ұлттық төтенше қордан 36,5 миллион еуро бөлген. Оның ең көп бөлігі Эмилия-Романья (10,9 миллион) мен Ломбардияға (9 миллион) жұмылдырылмақ.