Италияда өткен ән байқауында өзбекстандық қыз бірінші орынға ие болды
Италияның Сан-Ремо қаласында өткен Халықаралық балалар музыкалық фестивалінде Өзбекстан өкілі бірінші орынды иеленді.
Өзбекстанның Италиядағы елшілігінің хабарлауынша, 11-14 қазан аралығында Италияда өткен әйгілі халықаралық «Sanremo Junior-2021» балалар байқауында 11 жасар өзбекстандық София Сингх Гилл бірінші орынды алды.
Ташкенттегі халықаралық 6 мектептің оқушысы София финалда Италия симфониялық оркестрмен бірге Сан-Ремо сахнасында «Aerosmith» музыкалық тобы тарапынан «Армагедон» фильміне арнап жазылған «I Don't Want To Miss A Thing» атты ағылшын тіліндегі саундтректі орындады.
Қазылар алқасы әншінің вокалдық қабілеті мен әнді тамаша орындағаны үшін жоғары баға берді. Нәтижесінде София Сингх Гилл халықаралық музыкалық байқауда ең көп ұпай жинап, 1 -орынға ие болды.