Италияда мафия мүшесі деген күдікпен 100-ден астам адам қамауға алынды
Италия полициясы Калабрия мафиялық ұйымы «Ндрангетаға» қарсы рейд барысында 109 күдіктіні ұстады.
Deutsche Welle дерегінше, күдіктілерден бөлек тағы 20 адам үйқамаққа алынды, тағы 13 күдіктіге басқа шектеу шаралары қолданылған.
Ұсталғандардың көпшілігі Италияның оңтүстігіндегі Козенца қаласынан.
Хабарда айтылуынша, таңертең ерте экономикалық қылмыстарға маманданған полиция қызметкерлері мен тергеушілер тобы Калабрия аймағындағы Катанзаро коммунасына жіберілген.
Полицияның мәліметінше, операция барысында итальяндық кеден және қаржы полициясының қызметкері де қамауға алынған.