Италия ҳукумати жорий йилда “Ғарбий Нил” вируси билан касалланиб вафот этган икки кишининг ўлимини тасдиқлади. Юқори иситма ва тошмалар келтириб чиқарадиган вирус Римдан 100 километр жанубда жойлашган Латина провинсияси, шунингдек, Пемонт, Венето, Эмилия-Романя ва Кампания ҳудудларида ҳам қайд этилган.

“Euronews” нашрининг ёзишича, мазкур вирус асосан чивин чақиши орқали юқади ва одатда ёз ойларида кенг тарқалади. 

– “Ғарбий Нил” вируси бир неча йиллардан буён мамлакатимиз аҳолисига хавф солиб келмоқда, -деди Италия Соғлиқни сақлаш вазирлигининг Юқумли касалликлар департаменти директори Анна Тереза Паламара. 

Яқинда ўлканинг Юқумли касалликлар институти томонидан ўтказилган тестлардан сўнг Лацио вилоятида вируснинг 12 та янги ҳолати аниқланди.

Маълумотларга кўра, ушбу вирус даставвал Уганданинг “Ғарбий Нил” туманида биринчи марта 1937 йилда тарқалган. Ҳозирча вируснинг одамдан одамга юқиш хавфи йўқ.

Ў.Алимов, ЎзА