9 март куни Италиянинг марказий қисмида жойлашган Перужа вилоятида икки марта - 4.6 ва 3.9 магнитудали зилзила содир бўлди.

Табиий офатдан жабр кўрганлар ёки вайронагарчилик ҳақида маълумот берилмаган, бироқ маҳаллий ҳукумат айрим муассасалар, жумладан, ўқув масканларини ёпди.

Италияда мамлакатнинг геологик хусусияти туфайли тез-тез ер қимирлайди, чунки ушбу давлат Евроосиё ва Африка тектоник плиталари ўртасидаги фаол ёриқларга яқин жойлашган. Ушбу ёриқлар ҳар йили 2 сантиметр силжимоқда.

Мутахассислар охирги пайт айни ҳудудда кўп бор зилзила кузатилаётганини қайд этишмоқда.

ЎзА