Италияның 10 қаласында аптап ыстыққа байланысты қауіптілігінің ең жоғары «қызыл» деңгейі жарияланды.

Елдің денсаулық сақтау министрлігі мәліметінше, дүйсенбіде Африка антициклонына байланысты күшіне енген бұл ескерту Рим, Риети, Болонья, Кампобассо, Витербо, Латина, Перуджа, Пескара, Флоренция және Фрозинонеге қатысты.

Бүгін ел астанасында ауа температурасы +36 градусқа дейін көтеріледі деп күтілуде. Синоптиктер жексенбі күні ауа температурасы 39-40 градусқа дейін көтерілуі мүмкін екенін ескертіп, барлық сақтық шараларын сақтауды, әсіресе жас балалар мен қарт адамдарға көшеге шықпауды ұсынған.