Italiya Ukrainaga harbiy yordamning 12-paketini tayyorlamoqda, deb yozdi “Sole24Ore» moliya va biznes gazetasi.

“Yaqinda mamlakat Ukraina fuqaro raqamli infratuzilmasi kiber mudofaa mexanizmini kuchaytirish uchun 1 million yevro ajratishga va’da berdi”, - deyilgan xabarda.

May oyi o‘rtalarida Italiya tashqi ishlar vazirligi Rim Ukrainaga to‘g‘ridan-to‘g‘ri va Yevropa Ittifoqi umumiy jamg‘armasi orqali 2,5 milliard yevro harbiy va gumanitar yordam o‘tkazgani haqida xabar bergan edi. Shu bilan birga mamlakat mudofaa vaziri Guido Krozetto Kiyevga qariyb 3 milliard yevrolik qurol va o‘q-dori yetkazib berganini ma’lum qildi. Bu ma’lumot may oyi o‘rtalarida “Copasir” respublikasi xavfsizligi bo‘yicha parlament qo‘mitasi (Copasir) yopiq yig‘ilishida oshkor qilindi, deb yozdi “Fatto Quotidiano” gazetasi.

Xuddi shu nashr Italiya Ukraina Aeronavtika axborot xizmatiga havo harakatini boshqaradigan beshta radar yuborishi haqida ham xabar tarqatgan. 12,5 million yevrolik bu ko‘mak “Leonardo” muhandislik konserni tomonidan amalga oshiriladi.

Ukrainaga yetkazib berilgan Italiya qurollari ro‘yxati maxfiy, hozircha faqat ikkita “Samp-T” havo mudofaa batareyasi Kiyevga jo‘natilgani ma’lum.

Mahalliy ommaviy axborot vositalari yozishicha, so‘nggi to‘plam tarkibida ushbu batareyalar uchun o‘q-dori, shuningdek 400 ta eskirgan M-113 zirhli transportyori bor.

S.Rahimov, O‘zA