Италия су тасқынынан зардап шеккен Эмилия-Романья аймағына 2 миллиард еуродан асатын көмек пакетін мақұлдады.

Associated Press хабарлауынша, министрлер кабинеті зардап шеккен аудан тұрғындары үшін салық төлемдерін, ипотекалық төлемдерді және коммуналдық төлемдерді төлеуді тоқтата тұруды мақұлдады.

«Италиядағы қазіргі жағдайда бір-екі күнде 2 миллиард еуро табу оңай емес», - деді Италия премьер-министрі Джорджа Мелони.

Сонымен қатар, Италия билігі қоғамдық мұражайларға билеттер бағасын 1 еуроға көтеру туралы шешім қабылдады, ақша бүлінген мәдениет мекемелерін қалпына келтіруге жұмсалады. Қаражат тарту үшін арнайы лотереяны енгізу идеясы да қарастырылуда.

Еске сала кетейік, өкен аптада Италияның солтүстігіндегі су тасқыны нөсер жаңбыр салдарынан кем дегенде 14 адамның өмірін қиды, 20-дан астам өзен арнасынан асып, 300-ге жуық көшкін болған.