Италия Франциянинг SOS Mediterranee нодавлат ташкилоти ҳамроҳлигида Ўртаер денгизидан қутқариб олинган 113 нафар мигрантни қабул қилиш учун Ocean Viking кемасини Равенна портига киришга рухсат берди, деб хабар тарқатди Agence France-Presse агентлиги.

Мигрантлар сешанба куни тунда Ливия соҳилларидан қутқариб олинган. "Қутқариб олинган қочқинлар орасида 23 нафар аёл, тахминан 30 нафар вояга етмаган болалар, 3 нафар гўдак ҳам бор", - дейилади SOS Mediterranee ташкилоти тарқатган маълумотда.  

Октябрь ойида ҳам Ocean Viking кемаси Ўртаер денгизи сувликларида жами 234 нафар ноқонуний мигрантларни қутқариб олганди. Лекин уларнинг Италия портларига киришига рухсат берилмади, шундан кейин Франция ва Грециядан ёрдам сўралган. Даставвал Марсел ҳукумати мигрантларни қабул қилишга розилигини билдирган эди, кейинчалик Париж Римни мамлакат портларини мигрантларга ёпиб қўйгани учун ноинсоний ҳаракат қилганликда айблади. Натижада қочқинлар Тулонга туширилди. 

Италия бош вазири Жоржа Мелонининг эслатишича,  Франция йил бошидан буён фақат биргина Ocean Viking кемасини қабул қилди. Холбуки, Италияда  январдан буён қарийб, 90 минг мигрант бошпана топган.