2022 жыл 1 сәуірден бастап Өзбекстанда ақпараттық технологиялар саласы мамандары үшін бірқатар жеңілдіктер күшіне енді.

ІТ-парк баспасөз қызметінің хабарлауынша, шетелдік IT-мамандар, инвесторлар және резиденттер үшін IT-виза күшіне енді.

Шетелдіктер үшін виза 3 жыл мерзімге беріледі. Осы аралықта Өзбекстан шекарасында жүріп өтуге болады. Сонымен қатар, виза иелеріне оңайлатылған тәртіпте тіркелу және тұрақты тұруға рұқсат беріледі. Олар Өзбекстан азаматтарымен тең әлеуметтік құқықтарға (медициналық және білім беру) ие болады. IT-Visa алу үшін шетелдік маманға IT-парк ұсынған ұсыныс қажет.

IT-парк резиденттерінің шетелдік құрылтайшыларының дивидендтеріне салық мөлшерлемесі бұрын 10% болса, енді 5% деңгейінде болады.

Ұйымдастырушылық және құқықтық көмек аясында шетелдік мамандарды жұмысқа қабылдаудың оңайлатылған тәртібі. IT-парк резиденттерінен бұдан былай шетелдік мамандардың жұмысқа орналасқанын растайтын құжат талап етілмейді. Жұмысқа тұру үшін PINFL жеткілікті.

Сонымен қатар, көшу бағдарламасы аясында IT-парк компанияларға келесі бағыттар бойынша көмек көрсетеді:

• Заңды тұлғаны тіркеу;
• Банктік шот ашу;
• Салық органдарында тіркелу;
• мамандарды іздеу;
• Кеңсе іздеу және жалға алу.

IT мамандарына келесі мәселелер бойынша да көмек көрсетіледі:

• IT-парк резиденттік компанияларында жұмысқа орналасу;
• Медициналық сақтандыруды тіркеу;
• Тұрғын-үй іздеу;
• Банктік шот ашу;
• Құжаттарды рәсімдеу;
• Балаларды мектепке және мектепке дейінгі мекемелерге орналастыру.

Хабарда айтылуынша, IT мамандары мен олардың отбасыларына Ташкент қаласына бейімделуіне көмектесу үшін ақпараттық нұсқаулық әзірленген және онда барлық қажетті ақпаратты табуға болады.