2025 жылдың алғашқы екі айында Бағдарламалық өнімдер және ақпараттық технологиялар технопаркі (IT Park) IT және сервистік қызметтерді экспорттауға бағытталған 104 жаңа резидентті қабылдады.

IT Park мәліметтеріне сәйкес, жаңа компаниялар өз қызметінің алғашқы жылында 2 400-ден астам жұмыс орнын құру арқылы елдің жоғары технологиялық секторын дамытуға және білікті мамандар санын арттыруға үлес қоспақ. Бизнес-жоспарға сәйкес, бұл резиденттердің экспорттық табысы 31 млн доллардан асып, Солтүстік Америка, Еуропалық Одақ елдері, Түркия, Біріккен Араб Әмірліктері, Қытай және басқа да елдер нарықтарына бағытталатын болады.

Атап айтқанда, «Oneglobal» және «Soluxe Events» компаниялары АҚШ, Қытай, Үндістан және ТМД елдеріндегі клиенттерге аутсорсинг қызметтерін ұсынуда. Түркияның «Bookingmaniaa» және Үндістанның «Inteli AI» компаниялары бағдарламалық қамтамасыз етуді әзірлеуге басымдық береді.

Сонымен қатар, Израильдің «Servionix Solutions» және «Smart Software Solutions», сондай-ақ Грузияның «Gegidze CA» компаниялары бағдарламалық өнімдерді оңтайландыру және оларды халықаралық нарыққа бейімдеу бойынша жұмыстарды ұйымдастырады. «Gegidze CA» өз командасына 115 жаңа қызметкерді қабылдауды жоспарлап отыр.

Бұл көрсеткіштер IT Park резиденттерінің экспорттық әлеуеті артып келе жатқанын және халықаралық нарыққа шығу мүмкіндіктері кеңейіп жатқанын көрсетеді.