26 noyabr kuni Navoiy shahar Iste’molchilar huquqlarini himoya qilish jamiyatiga Navoiy shahri, Tolstoy ko‘chasida yashovchi fuqaro Hamza Ergashev murojaat qilgan. Unda qayd etilishicha, Hamza Ergashev Navoiy shahridagi «GULOBOD» savdo majmuasidagi do‘kondan 5 032 000 so‘mga «Smartfon Samsung A72 6/128Gb” rusumli qo‘l telefon sotib olgan va u nosoz chiqqan. Fuqaro mazkur holatdan norozi bo‘lib, masalaning hal etilishida amaliy yordam so‘ragan.

Murojaat mutaxassislar tomonidan o‘rganilganida haqiqatdan ham qo‘l telefonida nosozliklar borligi aniqlandi. 
Shundan so‘ng, savdo do‘koni rahbariga iste’molchining iste’molchi sifatida huquqlari hamda «Iste’molchilarning huquqlarini himoya qilish to‘g‘risida»gi qonunning tegishli moddalari yuzasidan  tushunchalar berildi.

Natijada, iste’molchiga qo‘l telefoni yangisiga almashtirib berildi. 

Shuningdek, 10 noyabr  kuni  O‘zbekiston Iste’molchilar huquqlarini himoya qilish jamiyatlari Federatsiyasining 1091 ishonch raqamiga Navoiy  shahar "Barkamol avlod"  ko‘chasi 3-uy,15-xonadonda yashovchi fuqaro  Farhod Bekpo‘latovning og‘zaki murojaati qabul qilindi.

Fuqaro F.Bekpo‘latov o‘z murojaatida Navoiy shahrida joylashgan    savdo do‘konidan 5 500 000 so‘mga muddatli to‘lov asosida sotib olgan televizor kafolat muddati ichida nosoz chiqqanidan  norozilik bildirib, bu masalada amaliy yordam so‘ragan.

Murojaat mutaxassislar tomonidan o‘rganib chiqilganida haqiqatdan ham televizor  nosoz ekanligi kuzatildi. 
Shundan so‘ng, sotuvchiga iste’molchining huquqlari hamda O‘zbekiston Respublikasining «Iste’molchilarning huquqlarini himoya qilish to‘g‘risida»gi qonunining tegishli moddalari yuzasidan  tushunchalar berildi.

Natijada fuqaroga televizor  uchun to‘lagan 5 500 000 so‘m  pul mablag‘i  qaytarilishida va muddatli  to‘lov asosidagi  kredit shartnomasi bekor  qilinishida amaliy yordam ko‘rsatdi.

Abdulaziz RUSTAMOV, O‘zA