Истеъмолчилар ҳуқуқларини ҳимоя қилиш федерациясининг қайд этишича, яқинда Қашқадарё вилояти Қамаши туманида яшовчи фуқаро С. Арзиеванинг истеъмол ҳуқуқи бузилган.

Чунки у Тошкент шаҳридаги дўконларнинг биридан 22000000 сўмлик музқаймоқ аппарати сотиб олганди, бироқ буни қарангки, аппарат носоз чиққан.
Шунингдек, фуқаро қанча ҳаракат қилмасин, ускуна учун тўлаган маблағини қайтариб ололмаган.
С.Арзиева федерацияга мурожаат қилгач, кўплар қатори унинг ҳам мурожаати ижобий ечим топди. Истеъмолчининг маблағи дўкон эгалари томонидан тўлиқ қайтариб берилган.