Истанбулда Украина буғдойини олиб ташиш учун кетаётган иккинчи кема текширувдан ўтказилмоқда
Истанбулда ташкил этилган мувофиқлаштирувчи марказ Украина буғдойини ташиш учун Қора денгиз портига йўл олган навбатдаги кема текширувдан ўтказилмоқда, деб хабар тарқатди Туркия мудофаа вазирлиги.
"Бирлашган мувофиқлаштирувчи марказ жамоаси Барбадос байроғи остида сузаётган FULMAR S кемасини текширишга киришди. Айни пайтда ушбу кема буғдой юклаш учун Украинанинг Қора денгиз портига жўнашга тайёр ҳолда Истанбулнинг шимолий соҳилида турибди", –дейилади Туркия мудофаа вазирлиги тарқатган хабарда.