Истанбул – Урганч йўналиши бўйича илк парвоз амалга оширилади
Turkish Airlines авиакомпаниясининг Истанбулдан Урганчга жорий йил 11 июньда Истанбул — Урганч ТК 262 рейси билан илк парвози амалга оширилади, дея хабар берди Ўзбекистондаги Туркия элчихонаси.
Истанбул – Урганч йўналиши бўйича учиш маҳаллий вақт билан 02:10 да, қўниш эса 07:55 амалга оширилади. Самолёт ерга қўнгач, илк парвоз йўловчиларини кутиб олиш маросими ўтказилади. Урганч – Истанбул қайтиш сафари эса маҳаллий вақт билан: учиш 09:15, қўниш 11:35 вақтида амалга оширилади.