“The New York Times” газетаси ёзишича, Туркиянинг энг йирик шаҳри – Истанбул келгуси йилларда ўта вайронкор ер силкинишига дуч келиши мумкин. Олимлар Мармара денгизи остидаги ёриқ чизиғининг фаоллашиши ушбу фалокатга сабаб бўлиши мумкинлиги ҳақида огоҳлантирмоқда.

Сейсмологларнинг таъкидлашича, минтақадаги сўнгги зилзилалар ёриқ чизиғи бўйлаб сейсмик фаоллик кучайиб бораётгани ва Истанбулга яқинлашаётганини кўрсатмоқда.

“Science” журналида чоп этилган тадқиқотда 16 миллиондан ортиқ аҳоли истиқомат қиладиган мазкур шаҳарда вайронагарчиликка олиб келиши мумкин бўлган 7 ёки ундан юқори магнитудали кучли зилзила хавфи мавжуд. Корнелл университети профессори Хаббарднинг фикрича, Истанбулдаги кучли зилзила яқин тарихдаги энг ёмон гуманитар офатлардан бири бўлиши мумкин.

Ҳисоб-китобларга кўра, сейсмик фаолликнинг ортиши келажакда айниқса, назоратсиз кенгайиб бораётган, зичлик ва замонавий хавфсизлик талабларига жавоб бермайдиган қурилиш стандартларидан азият чекадиган шаҳарнинг заифлигини ҳисобга олган ҳолда, вайронкор зилзилани келтириб чиқариши мумкин.

С.Раҳимов, ЎзА