Кучли қор ёғиши сабабли фаолиятини тўхтатган Истанбул аэропорти парвозларини яна бошлади, дейилади аэропорт маъмуриятининг Twitterда тарқатган баёнотида.

"Йўловчилар хавфсизлигини таъминлаш мақсадида вақтинча тўхтатиб қўйилган парвозлар Каракасдан бошланиб (Венесуэла), Хьюстонга (АҚШ) давом эттирилди. Бизни тўғри тушунгани ва сабрли бўлгани учун йўловчиларга миннатдорчилик билдирамиз", – дейилади баёнотда.

Бундан аввалроқ Туркия ҳаво йўллари авиакомпанияси парвозлар ярим тунгача тўхтатилади, деб маълум қилганди. Натижада авиакомпания беш мингдан зиёд йўловчиларини меҳмонхоналарга жойлаштирди.

Умуман, кеча Истанбул аэропортида жами 700 та рейс бекор қилинган. Аэропортда қолиб кетган йўловчиларга 26 январгача арзон озиқ-овқат ва бепул Wi-Fi тақдим этилган.

Метеорологларнинг маълум қилишича, Истанбулда ноқулай об-ҳаво яна бир неча кун давом этади ва жума кунга келиб аҳвол бироз яхшиланади.

Республика аҳамиятидаги қатор автомобиль йўлларида нафақат қалин қор туфайли, балки йўл-транспорт ҳодисалари кўп кузатилаётгани сабабли ҳам тиқинлар пайдо бўлган.