Тошкент вилояти Зангиота туманининг "Ҳаракат" ва "Мевазор" маҳалла фуқаролар йиғинлари ҳудудида экологик рейд назорат тадбирлари ўтказилди.

Рейд давомида ҳудудда фаолият юритаётган иссиқхоналар, уларнинг иситиш печлари ҳамда ҳавони тозалаш фильтрлари ҳолати атрофлича ўрганилди.

Мутасаддилар томонидан иссиқхоналар фаолиятининг экологик талабларга мувофиқлиги, атмосфера ҳавосига чиқарилаётган чиқиндилар ҳолати ва мавжуд техник воситаларнинг самарадорлиги таҳлил қилинди.

Назорат тадбирлари жараёнида айрим иссиқхоналарда тозалаш фильтрларининг ҳолати текширилиб, экологик хавфсизликни таъминлаш бўйича тушунтиришлар берилди. Шунингдек, иситиш печларидан фойдаланишда белгиланган меъёр ва талабларга қатъий риоя этиш зарурлиги таъкидланди.

Мазкур экологик рейд тадбирлари давом этади.

<iframe width="640" height="420" src="https://www.youtube.com/embed/HvHfy7Av4ro" title="Issiqxonalar faoliyati ekologik nazoratdan oʼtkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ҳамроз Баянов, ЎзА