Бухоро туманидаги Сўфи Коргар маҳалласи ҳудудидаги “Элназар Шерназар” масъулияти чекланган жамияти қошидаги иссиқхона Корея технологияси асосида барпо этилган.

2 гектар ер майдонига эга замонавий иссиқхонада 21 минг донадан ортиқ “чинто” навли помидор кўчати парваришланмоқда. Баравж ривожланаётган экин айни пайтда гулга кирган. Омилкорлар бир гектар ердан ўртача 80-100 тонна ҳосил олишни мўлжалламоқда. Ҳосилнинг маҳаллий бозордан ортган қисми буюртма асосида хорижга экспорт қилинади.