Шанба куни оқшомда Исроилда Бош вазир Биньямин Нетаньяху ҳукумати сиёсати ва унинг режалаштирилаётган суд-ҳуқуқ ислоҳотларига қарши навбатдаги оммавий норозиликлар бўлиб ўтди. Энг йирик намойиш, аввалги ҳафталарда бўлгани каби пойтахтнинг давлат идоралари яқинида бўлди.

Намойишчилар шаҳар кўчаларига Исроил давлати байроқлари билан чиқишди, кўпчиликда демократияни қўллаб-қувватловчи шиорлар ёзилган плакатлар бор эди.  

Норози томоннинг айтишича, Нетаньяху ҳукуматининг суд ислоҳоти режаси Исроил демократиясига таҳдид солади.

“Haaretz” газетасининг  маълумотига кўра, шанба куни кечқурун Тел-Авивда 50 мингга яқин одам норозилик намойишига чиққан. Шунингдек, мамлакатнинг кўплаб шаҳарларида мухолифатнинг митинглари бўлиб ўтган. Жумладан, Қуддусда етти мингга яқин намойишчи Исроил Президенти Ицхак Герцог қароргоҳида тўпланган, шундан кейин улар Нетаньяхунинг уйи томон юришган.

Хайфа шаҳрида ҳам йирик намойиш бўлиб ўтди, унда 11 мингга яқин намойишчилар тўпланишган, деб ёзади нашр.

ЎзА