Кеча Исроил бўйлаб оммавий норозиликнинг янги тўлқини кузатилди, ўн минглаб одам Биньямин Нетаньяхунинг сиёсати ва ҳукумат таклиф этаётган суд-ҳуқуқ ислоҳотига қўшилмаслигини билдирди. Энг йирик митинг Тель-Авивда бўлиб ўтди, деб ёзди “ТАСС”.

“Ҳукумат биноси олдида катта митинг ўтказилди”, дейилади хабарда.

 Сўзга чиққанлар Нетаньяху ва унинг сиёсий йўналишини кескин танқид қилишди, суд-ҳуқуқ ислоҳоти лойиҳасини қоралаб, бу Исроил демократияси йўқолиши ва диктатура ўрнатилишига олиб келишини таъкидладилар.

Исроилда кетма-кет олтинчи ҳафта шанба куни мухолифат ташаббуси билан оммавий намойиш уюштирилмоқда. Тель-Авивдан ташқари Қуддус, Хайфа, Беэр-Шеву, Нетанияда ҳам митинг бўлиб ўтди.

Исроил телевидениеси 12-канали пойтахтдаги митингда 145 мингга яқин киши қатнашгани, қолган шаҳарларда ҳам 10-50 минг атрофида намойишчи тўпланганини айтган.

ЎзА