Ҳукумат ва унинг режалаштираётган суд-ҳуқуқ ислоҳотига қарши бўлган Исроил мухолифати тарафдорлари пайшанба куни кечқурун Қуддусдаги Бош вазир Биньямин Нетаньяхунинг уйи олдида норозилик намойишини ўтказди. Бу ҳақда “Yediot Ahronot” газетаси хабар берди.

Нашрнинг қайд этишича, акцияда машъалалар кўтарган бир неча юз киши қатнашган, уларнинг кўпчилигида ҳукуматга қарши шиорлар ёзилган плакатлар бўлган.  

Митингдан сўнг намойишчилар шаҳарнинг бир қанча кўчалари бўйлаб юриш уюштиришган.

Мухолифат акциясида митингнинг олдини олишга уринган ўта ўнг фаоллар ва полиция билан тўқнашувлари кузатилган, деб хабар берди газета.  

Ўтган йили охирида иш бошлаган Нетаньяху бошчилигидаги Вазирлар Маҳкамасига қарши мухолифатнинг оммавий норозилик намойишлари январь ойи бошидан бери давом этиб келмоқда.  

ЎзА