Исроил артиллерияси Ливан томонидан берилган зарбаларга жавобан мазкур мамлакат ҳудудига ракета зарбаларини берди.

“REGNUM” хабарида айтилишича, Исроил мудофаа армиясининг матбуот хизмати маълумотида Ливандан Исроил ҳудудига тўртта ракета учирилган.

“Ҳаво ҳужумидан мудофаа огоҳлантируви эълон қилинганидан сўнг ҳаво ҳужумидан мудофаа тизими битта ракетани тутиб қолган, биттаси очиқ майдонга, яна иккитаси денгизга тушган”, дейилади маълумотда.

Эслатиб ўтамиз, Исроилнинг Фаластин билан зиддияти давом этаётган бир пайтда Исроил-Ливан чегарасидаги зиддият ҳам кескинлашиб бормоқда.

ЎзА