Isroil armiyasi radiosida berilgan xabarga ko‘ra, ushbu mamlakat har qanday bevosita hujumga javoban Eron hududiga zarba berishini bildirgan.

Tel-Aviv bu haqda AQSH va qator Yevropa davlatlarini ham xabardor qilgan.

Qayd etilishicha, bunday harakat Eron hujumi natijasida Isroil tomonidan qurbon berilmagan taqdirda ham amalga oshiriladi.

Isroil Eron tomonidan joriy yil aprel oyida yuzlab uchuvchisiz uchoq va raketa uchirilganidan ko‘ra kengroq ko‘lamda hujumga tayyorgarlik ko‘rmoqda, deyilgan kecha tarqatilgan mahalliy KAN jamoat telekanali axborotida.

31 iyul kuni Falastinning XAMAS harakati Siyosiy byurosi rahbari Ismoil Xaniya Tehronda suiqasd natijasida halok bo‘ldi. Eron va XAMAS qotillikni uyushtirishda Isroilni aybladi. Eron XAMAS yetakchisi o‘ldirilishiga javob berilishini aytdi.