Isroil harbiy havo kuchlari chorshanbaga o‘tar kechasi Suriya hududiga havodan zarbalar berdi, deyiladi “Interfaks” xabarida.

Suriyadagi axborot manbalariga tayanib berilgan ma’lumotga ko‘ra, Isroil aviatsiyasi Livan havo hududidan foydalangan holda zarbalar bergan.  

Zarbalardan maqsadga aniqlik kiritilmagan. Isroil armiyasi esa, mazkur havo zarbalari bo‘yicha izoh bermagan.

Odatda, isroilliklarning Suriyaga zarbalari terrorchilik guruhlarining ob’ektlari tomon beriladi, deyiladi xabarda.