Исроил 1 мартдан бошлаб эмланган туристлар учун ҳам, эмланмаганлари учун ҳам чегарасини очади
Лекин иккита ПЦР-тест топширган бўлиши керак, деб ёзмоқда хорижий оммавий ахборот воситалари.
Хабарда келтирилишича, Исроил бош вазири Нафтали Беннет ва соғлиқни сақлаш вазири Ницан Горовиц COVID-19 бўйича чекловларни енгиллаштириш ҳақида қарор қабул қилган.
«1 мартдан бошлаб исталган ёшдаги туристлар эмланган ёки эмланмаганлигидан қатъий назар иккита ПЦР-тест топшириш шарти билан мамлакатга киришига рухсат этилади, ПЦР-тест Исроилга қўнганида ва Исроилдан учиб кетаётганида топширилади», — дейилади хабарда.
Исроил январ ойида эмланганлар ва касал бўлиб тузалганлар учун чегараларини очган эди.