Наразылық білдірушілер Валенсияның үкімет басшысы Карлос Масонның отставкаға кетуін талап етуде.

Жергілікті үкімет сарайы алдындағы алаңға жиналған наразылық білдірушілер өз талаптарын жазып қойған манифесті оқып, жария етті.

Манифестте Валенсия қоғамында «саяси масқара және адамзат тарихындағы ең ауыр трагедияның» басталғаны айтылған. Олар президент Карлос Масонның отставкаға кетуін және оған қатысты сот ісінің басталуын талап етуде. Сондай-ақ, наразылық білдірушілер «қиын жағдайларда қандай шара қолдануды білмейтін Валенсия үкіметінің» де отставкаға кетуін сұрап отыр.

Шеруге қатысушылар жергілікті үкіметті су тасқынынан зардап шеккен аймақтарға шұғыл көмек көрсету мәселесінде «түсініксіз себептермен кешігіп келгені» үшін айыптауда. 

Еске сала кетсек, Испанияда соңғы уақытта болған су тасқындарының салдарынан 223 адам қаза тапты. Елдің солтүстік-шығысындағы бірнеше ауылдар мен қалаларды су басып, үлкен апат орын алды.