Кармен Арнау Муро (Carmen Arnau Muro) 1949 йилда Испаниянинг Толедо шаҳрида туғилган. Атрополог ва географ олимани “Аёл Дон Кихот”, деб аташади.

Кармен хоним умрини Сибирь ва Ўрта Осиё халқлари этнографиясини ўрганишга бағишлаб жами 22 та экспедицияда иштирок этган. Кармен Арнау Муро фондини ташкил этган олима ўз маблағлари ҳисобидан Толедо шаҳрида 4 гектар ерни сотиб олади ва унда бепул ташриф буюриш мумкин бўлган этнографик музей ташкил этади. Мазкур музейда у қаҳратон ҳукмронлик қилувчи Сибирь қишлоқлари, шунингдек, қардошимиз ҳисобланган Қозоғистоннинг ўтовларини барпо этган.  

Юртимизга сайёҳ сифатида ташриф буюрган Арнау Муро хоним Толедодаги музейда тез орада кичик Ўзбекистонни яратишни мақсад қилган.  

Қуйидаги видео лавҳада Кармен хонимнинг Ўзбекистон ҳақида илиқ фикрлари акс этади. Олиманинг ЎзА учун берган махсус интервьюсини тез орада саҳифаларимизда ўқишингиз мумкин.  

<iframe width="640" height="360" src="https://www.youtube.com/embed/JRsSmVj56-k" title="Испаниялик “Дон Кихот” аёл Ўзбекистонинг “марвариди” ҳақида" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Маҳфуза Ортиқова,  

ЎзА