Хориж оммавий ахборот воситалари ёзишича, Испаниянинг Андалусия мухтор музофотида юз берган поезд ҳалокати қурбонлари сони ортмоқда. Хусусан, бу ҳақда RTVE ҳам хабар берган. Агентлик маълумотига кўра, ҳозиргача камида 39 инсон ҳалок бўлган. Жароҳатланган 100 га яқин одам Кордова шифохонасига жойлаштирилган. Жабрланганларнинг тўрт нафари ҳали вояга етмаган. 24 кишининг аҳволи оғир.

18 январь куни кечаси Малагадан Мадридга кетаётган "Iryo" поезди изидан чиқиб, соатига 200 км тезликда ҳаракатланаётган, Мадриддан Уельва томон ҳаракатланаётган “Альвиа” таркиби йўлига – параллел рельсга қулаган. Жабрланганлардан бири иккинчи поезднинг ҳайдовчиси.

Ички ишлар вазирлигидаги манба хабар беришича, 25 фуқаронинг аҳволи оғир. Поездларнинг бирида тахминан 300, иккинчисида 100 йўловчи бўлган. Фожиа сабаби ҳали номаълум. Мадрид ва Андалусия ўртасидаги юқори тезликда ҳаракатланувчи рейс қатнови 20 январгача тўхтатилди.

Г.Сатторова, ЎзА