Испанияда алапат су тасқынынан қаза тапқандар саны кемінде 205 адамға жетті.

Елдің құтқару қызметтерінің хабарлауынша, көптеген адам із-түзсіз жоғалған, сондықтан қаза болғандар саны әлі де артуы мүмкін.

30 қазанға қараған түні жауған нөсер жаңбырдан кейін Испанияның шығысындағы көптеген аймақтар су астында қалды. Әсіресе, Жерорта теңізі жағалауындағы Валенсия өңірі қатты зардап шекті, онда құтқарушылар 202 адамның денесін тапты. Кастильо-Ла-Манча мен Андалусияда да бірнеше адам қаза тапты.

Бір күн бұрын ресми органдар кемінде 158 құрбан туралы хабарлаған болатын. Табиғи апат болғанына үш күн өткендіктен, тірі қалғандарды табу мүмкіндігі барған сайын азайып барады.

Берлин мен Брюссель Испанияға тасқыннан кейін көмек ұсынды.